Ika-108 taong pagkakatatag, ipinagdiriwang ng BulSU

MALOLOS—Tampok ang ibat-ibang gawain na sa isang linggong pagdiriwang ng ika-108 taong pagkakatatag ng Bulacan State University (BulSU) na nagsimula sa Lunes, Disyembre 3.

Ito ay may temang “Pagpapalaganap ng Galing at Karunungan.”

Ayon kay Dr. Antonio Del Rosario, vice-president for academic affairs, tagapangulo ng executive committee para sa pagdiriwang, kabilang sa mga tampok na gawain ay ang paglulunsad ng libro, pagpapasinaya sa bagong pasilidad, mga talakayan, at mga tunggaliang pang kalinangan at pampalakasan.

“It will be an austere celebration but it will mirror accomplishments the university has achieved in past 108 years,” ani Del Rosario.

Inayunan din ito ni Dr. Danilo Hilario, ang Vice President for planning, research and external affairs.

Sinabi niya na sa pamamagitan ng Bahay Saliksikan ng Bulacan na nakabase sa BulSU, inilunsad ang isang libro hinggil sa mga katutubong Dumagat.

Ito ay may pamagat na “Mahabe Pagotan:  Kasaysayan, Kalinangan at  Lipunan ng mga Dumagat sa bahaging Bulacan ng Sierra Madre” at sinulat ng misyonerong si

Bro. Martin Francisco ng Sagip Sierra Madre Environmental Society.

 Bukod dito, sinabi ni Hilario na pasisinayaan ang regional laboratory ng Hitachi Corporation Philippines  sa loob ng bakuran ng BulSU.

Ang BulSU an gang itinuturing may pinakamalaking pamantasan sa Gitnang Luzon kung ang bilang ng mag-aaral ang pagbabatayan.

 Sa kasalukuyang, may 32,000 mag-aaral sa BulSU na may pangunahing campus sa lungsod na ito bukod pa sa mga satellite campus sa mga Lungsod ng San Jose Del Monte at mga bayan ng Bustos, Bulakan at Hagonoy.

Ang BulSU ay nagsimula noong 1904 sa bisa ng Act 174 ng Philippine Commission noong 1901 na nag-atas ng pagtatayo ng mga paaralan sa mga pangunahing bayan sa bansa noon at kilalamin ang mga nakatatag ng mga paaralan.

Bilang isang intermediate school, naging Bulacan Trade School noong 1909 ang BulSU kung saan ang mga guro ay kabilang sa grupo ng mga Amerikanong guro na tinawag na Thomasites.

Di nagtagal ay napalitan ng mga Pilipino ang namumuno sa noo’y BTS at noong 1920s, ang mga intermediate course ay pinalitan ng mga secondary courses.

Ayon kay Hilario,sa pagdaan ng panahon umunlad ang mga kurso sa BTS hanggang magdagdaga ng mga vocational courses.

 Ito ay higit pang umunlad matapos ang ikalawang digmaang pandaigdig.

Sa pamamagitan ng mga lehislasyon, ang BTS ay naging Bulacan National Trade School (BNTS) noong 1953, Bulacan National School of Arts and Trades (BNSAT) noong 1957, at Bulacan School of Arts and Trades (BSAT) noong 1960.

Ito ay nasundan ng pagsismula ng pagtuturo ng dalawang taong kurso para sa automotive, at machine shop.

Noong 1965, ang BSAT at naging kolehiyo at tinawag na Bulacan College of Arts and Trades (BCAT).  Ito ay nagbigay daan sa pagpapalawak ng mga kurso at pagsisimula ng apat na taong kurso tulad ng Bachelor of Science in Industrial Education.

Hindi nagtagal, sinimulan ang mga kurso para sa mga inhinyero, guro at maging mga masteral courses sa ilalim ng Graduate education programs.

Noong 1993, sa bisa ang Republic Act 7665, ang BCAT ay naging isang pamantasan at tinawag na Bulacan State University (BULSU).   (Dino Balabo)

DYCI Blue Ocean 10 pinarangalan sa World Food Factor Festival

LUNGSOD NG MALOLOS – Tumanggap ng ikatlong karangalan sa isa sa 12 kategorya ng First Lego League (FLL) Food Factor World Festival na isinagawa sa Estados Unidos ang koponang Bulakenyo na kumatawan sa bansa.

Ang ikatlong karangalan sa Project Presentation category ng FLL ay iniuwi ng koponang Blue Ocean 10 ng Dr. Yanga’s Colleges Incorporated  (DYCI) na naka-base sa Barangay Wakas Bocaue, Bulacan noong nakaraang linggo.

Ito ay sa pamamagitan ng kanilang nilikhang anti-botcha machine o Meat Anti-Germ Inspection Solution 2.0 (Magis 2.0) na may kakayahang matukoy ang sirang karne.

Bilang isa sa 12 kategorya ng FLL, ang project presentation ay nilahukan ng mga 40 koponan mula sa Canada at Estados Unidos, at dagdag pang 40 koponan mula sa Australia, Europa, Asia, Africa, at South America.

“We didn’t win the championship, but we made it in the major category,” ani Michael Yanga, ang director ng DYCI.

Ang unang dalawang koponang nagwagi sa project presentation category ay ang Mindstorm Masters at Team Nexus na kapwa nagmula sa Estados Unidos.

Ayon kay Yanga, ang karangalang tinanggap ng DYI Blue Ocean 10 ay isang malinaw na pagkilala sa kakayahan ng mga Pilipino.

Ikinuwento niya na sa oras ng paligsahan, ipinakita ng DYCI Blue Ocean 10 ang kakayahan ng “Magis 2.0” sa pagtukoy sa sirang karne.

Ito at tinagurian din nila bilang anti-botcha machine dahil sa ito ay nilikha ng mga kabataan bilang tugon sa lumalalang kaso ng botchang karne sa kalakhang Maynila.

Ayon kay Bery Cruz, assistant coach ng koponan, ang karangalang tinanggap ng Blue Ocean 10 ay makahulugan dahil ito ang unang pagkakataon na lumahok ang bansa sa nasabing paligsahan.

Bukod dito, ang Pilipinas ang nag-iisang bansa sa South East Asia na naka-sungkit ng karangalan.

Sinabi ni Cruz na ang FLL ay kakaiba sa World Robot Olympiad na kanilang nilahukan sa mga nagdaang taon.

“The FLL is different from the WRO,” aniya patungkol sa pagligsahan ng mga robot kung saan ay tinanghal na kampeon noong 2010 ang koponan ng DYCI.

Ang Blue Ocean 10 ay pinangunahan ni Coach Romyr Gimeno, kasama ang mga mag-aaral na sina Gladys Leigh Malana, Trisha Carmela Santos, Keight dela Cruz, Michelle Alcanar, Lady Alein Goleng, Ramikert Del Prado, Dave Adrian Bien, Tim Jhalmar Fabillon, Jules Martin Agsaoay, at Jonathan Alejandro.

Ang FLL Food Factor World Festival ay natapos noong Abril 30 kung saan ay nagwagi bilang kampeon ang koponang Falcons ng Japan kasunod ang Blue Gear Ticks mula sa Estados Unidos at ang NXTremers mula sa India.

PAGHAHANDA SA K+12:Kapitolyo, Malolos magkaagapay sa pagtatayo ng mga silid-aralan

By Dino Balabo

MALOLOS – Bilang punong guro ng Malolos Central School sa maraming taon, hindi na mabilang ni Reynaldo Diaz ang mga hamon at problemang sinuong.

At habang nalalapit naman ang susunod na pasukan, mas maraming hamon ang hinaharap ni Diaz.

Kabilang dito ay ang paghahanda sa implementasyon ng Kindergarden Plus 12 Program (K+12) at ang pagbubukas ng programang pangsekundarya sa kanyang paaralan na sa Hunyo ay tatawaging Malolos City Integrated School (MCIS).

Ngunit katulad ng iba pang punong guro sa mga pampublikong paaralan sa lalawigan, ang mga problema ay hindi haharaping mag-isa ni Diaz. Ito ay dahil sa ayudang hatid ng mga pamahalaang lokal sa lalawigan.

“Since 2010, we initiated an aggressive school building construction program because we know student population will always outnumber classrooms and other facilities,” ani Mayor Christian Natividad ng lungsod na ito na itinuturing na sentro ng edukasyon sa lalawigan.

Ayon kay Natividad, ang kanyang programa sa konstruksyon ng mga silid aralan ay doble ang talim.

Una, ito ay nakadisenyo upang mabawasan ang kakulangan sa mga silid-aralan sa mga pampublikong paaralan sa lungsod; at ikalawa, layunin nito na mapababa ang bilang ng mga mag-aaral sa high school na hindi nagpapatuloy o hindi nakakatapos.

Batay sa tala ng Department of Education (DepEd) noong 2010, ang Malolos ay pang-apat sa mga lungsod o bayan sa bansa na may pinamakataas na drop-out rate sa high school.

“It is ironic, Malolos City is the academic center of Bulacan and we have three prestigious universities in the city along with 47 other colleges, but our high school students are dropping out,” ani ng alkalde.

Ang mga pamantasang kanyang tinutukoy ay ang Bulacan State University (BulSU), La Consolacion University of the Philippines (LaCUP), at ang Centro Escolar University—Malolos Campus.

Ayon kay Natividad, ang mataas na drop-out rate ng mga mag-aaral sa high school sa lungsod na ito ay nakakabahala dahil ito ay magbubunga ng mga kabataang kapos sa kakayahan.

Bilang tugon sa nasabing kalagayan, pinangunahan ni Natividad ang pagbubukas ng mga paaralang sekundarya sa mga barangay ng Bangkal, Santisima Trinidad, Mojon, at Bungahan. Isa pa ang planong itayo sa Barangay Bulihan.

“We will build more together with the provincial government.  Our plan is to establish a high school for every three barangays,” aniya at nilinaw na hindi sila nagtayo ng mga silid aralan sa lahat ng nabanggit na barangay.

Sa halip ay nagrenta sila ng gusali upang mapasimulan agad ang programa.

Hinggil naman sa mga paaralang pang-elementarya, sinabi ni Natividad na mula noong 2010 ay nakapagtayo na sila ng lima, kaya’t lima na lamang sa 49 barangay ng lungsod na ito ang walang paaralang elementarya.

Ayon sa alkalde, ang pagtatayo ng mga paaralang elementarya sa bawat barangay ay bahagi ng kanilang paghahanda sa pagpapatupad ng K+12 sa Hunyo.

“Some barangays may not have their school building by June, but we are moving forward and we thank the provincial government for assistance,” aniya.

Una rito, nilagdaan nina Gob. Wilhelmino Alvarado at Education Secretary Armin Luistro ang isang memorandum of agreement (MOA) para sa konstrukyon ng karagdagang 1,982 silid aralan sa lalawigan.

Ang konstruksyon, ayon kay Luistro ay inaasahang matatapos sa 2013.

Ito ay pinondohan ng Deped at kapitolyo batay sa iskemang “50-50” kung saan ang DepEd ay magbibigay ng P800-milyon para sa konstruksyon ng mga silid aralan at iyon naman ay tutumbasan ng katulad na halaga ng kapitolyo. 

Dahil dito, tinatayang aabot sa P1.6-bilyon ang gugugulin ng DepEd at kapitolyo para sa mga itatayong silid aralan sa lalawigan.

Para sa mga punong guro ng mga paaralang pampubliko sa lalawigan, ang pagtatambal ng DepEd at kapitolyo ay isang magandang kaganapan.

Sinabi niya na siya ay umaasa na madagdagan pa ang mga walong silid aralan na tinatayo sa MCIS, partikular na kung ito ay mapapabilang sa mga paaralang tutukuyin ng DepEd at kapitolyo.

Simple ang dahilan sa pagnanais ni Diaz na madagdagan pa ang silid aralan sa MCIS.

Ito ay dahil na rin sa umabot na sa higit 500 mag-aaral ang naunang nagpatala upang mag-aral ng high school sa MCIS sa darating na Hunyo.

Donasyon ni dating Embahador Tantoco magagamit na sa Hunyo

Iniaaabot ni dating Embahador Bienvenido Tantoco Sr., (ikatlo mula sa kaliwa) ang sobre na naglalaman ng tsekeng nagkakahalaga ng P400,000 kay Reynaldo Diaz, ang punong guro ng Malolos Integrated School bilang donasyon.  Ang P181,000 ng halaga ay regalo ng  Sycip,Gorres and Velayo and Associates para sa ika-91 kaarawan ng dating embahador.  Kasama sa larawan sina (mula sa kaliwa) Lydia Reyes ng Klub Bulakenyo, mga anak ng embahador na sina Nedy Tantoco at Marites Tantoco-Enriquez, at ang apo na si Donnie Tantoco na siyang pangulo ng Rustan's Supercenter. (Dino Balabo)

By Dino Balabo

LUNGSOD NG MALOLOS – Magagamit na ng mga mag-aaral ng Malolos Integrated School (MIS) ang mga donasyon ni Ambassador Bienvenido Tantoco Sr.

Ito ay ang 12 na flat screen television na may mga kasamang amplifier at sound system na magagamit sa science education program ng paaralang dati ay kilala sa tawag na Malolos Central School (MCS) na matatagpuan sa Barangay Sto. Rosario.

Ang pagbabago ng pangalan ng nasabing paaralan ay kaugnay ng pagbubukas ng klase para sa mag-aaral sa High School na magsisimula rin sa Hunyo.

“Naka-install napo yung 12 na LED television sets, at sa May 7 at ikakabit naman yung mga amplifier,” ani Reynaldo Diaz, ang punong guro ng MIS.

Ayon kay Diaz, malaking tulong sa mga guro at mag-aaral ang mga LED TV sets dahil sa magagamit nila ito sa mga video presentation at iba pang araling naka-rekord sa video.

Binigyang diin pa niya na ang mga LED TV sets na ipinagkaloob ni Tantoco ay hindi una, dahil sa mga nagdaang panahon ay pinangunahan din ng dating embahador ang pagpapatayo ng mga gusali sa nasabing paaralan bukod sa pagpapakumpuni ng ilan at pagbibigay ng mga dagdag na libro para sa silid aklatan.

“Priceless ang kontribusyon ni Ambassador Tantoco sa aming paaralan, at bukod pa diyan, mahigit 100 mag-aaral ang kasali sa kanyang sariling scholarship program,” ani Diaz.

Matatandaan na noong Abril 2, kasama ang pamilya at mga kaibigan inihatid ni dating Embahador Tantoco sa MIS ang tseke na nagkakahalaga ng P400,000 bilang donasyon sa paaralan.

Ayon sa dating embahador, ang kalahati ng halagang kanyang ipinagkaloob ay regalo ng Sycip, Gorres at Velayo (SGV) Accounting Office para sa kanyang ika-91 kaarawan noong Abril 7.

“I told them, I will match their gift and will give it to my favorite school,” ani Tantoco sa kanyang maikling pananalita.

Ngunit ang nasabing halaga ay hindi sapat para sa 12 LED TV na may amplifier at sound system na kailangan ng paaralan.

Dahil dito, ipinangako ni Tantoco na dagdagan pa niya ang kulang sa pamamagitan ng donasyon ng kanyang mga kaibigan na bumubuo sa Klub Bulakenyo at pamilya na nagmamay-ari ng Rustan’s Supermarket.

Sa ekslusibong panayam sa dating embahador, sinabi niya na hindi niya makakalimutan ang kanyang mga karanasan sa Malolos Central School kung saan siya nagtapos ng elementarya.

First B.S. Meteorology course opens in CLSU

by Ramon Efren R. Lazaro

Sixteen science scholars in B. S. Meteorology course, under the Department of Science and Technology-Science Education Institute Junior Level Program has started undergoing a six-week bridging program that started on  April 23   at the Central Luzon State University (CLSU).

CLSU president Ruben Sevilleja  noted that  the pioneering project  is auspicious because of the changes in climate. He added the dearth of expertise in atmospheric science and meteorology demands for capacity building in this specialized area of study. 

On the other hand, Filma Brawner, director of the Science Education Institute, said the bridging program is a way of leveling the differences in the training of scholars from the different universities.

        The offering of the B.S. Meteorology course,  under Project COMET (Consortium for Meteorology Education and Training), is a collaborative undertaking of the Department of Science and Technology (DOST), Commission on Higher Education (CHED), Bicol University (BU),  Central Luzon State University (CLSU), Mariano Marcos State University (MMSU),  Visayas State University (VSU),  and AGHAM Party-List.

            In 2009,  Angelo Palmones,   Chairman of the Philippine Typhoon Committee Foundation, Inc., and now AGHAM Party-list representative in the 15th Congress,   initiated the move for the offering of the B. S. Meteorology  for the first time in the Philippines .

“The services of meteorologists are now in demand by different economic sectors   such as aviation, shipping, agriculture, food industry, research, and the academe. The first batch of B.S. Meteorology scholars now is making part of history because offering  the course is  first in the Philippines ,  even in Southeast Asia ,”  added Florentino Tesoro.

            “The beauty of the program is that it carries not a single flag.   It is  a synergy of multi-agency  undertaking,  of hopes and dreams becoming a reality to serve and help protect our country and people from natural disasters,”  said BU president  Fay Lea Patria  Lauraya.

            Cynthia Celebre, PAGASA chief for training and research, explained that

 “Meteorology is a noble profession, and a meteorologist is committed to protect and save lives and properties” and asked “Imagine what the Philippines will be liked visited by 18-20 typhoons yearly without the meteorologists?”

BulSU-CAL honor grads

First Batch: BSU BA Journalism graduates

2012 BSU CSSP graduating class

DLSU students

Mass Communications students visited Bulacan on March 31 and joined the press conference organized by the Diocese of Malolos at the diocesan pastoral center.

NYC to Philip Morris: Education Alone Will Not Curb Youth Smoking

Higher cost of cigarettes is the immediate deterrent. “Kapag mahal, ang sigarilyo, mas mapipigilan sa pagyoyosi ang kabataang Pilipino.”

This was stressed by the National Youth Commission (NYC) today in reaction to the claims of Chita Herce, spokesperson of Philip Morris Fortune Tobacco Corporation Inc. (PMFTC), the top tobacco manufacturer in the country, that education and not additional taxes will prevent young people from smoking.

Education is vital in curbing youth smoking but it must be reinforced by  mechanisms that will make tobacco inaccessible, NYC Chairperson Leon Flores said. For the past years, the dangers of tobacco smoking have been taught in schools and have been part of wellness campaigns. However, the percentage of youth smokers continues to increase despite the education drive as well as the advertisement ban on tobacco products.

According to the 2007 Global Youth Tobacco Survey (GYTS), 69.6% young people had been taught in class during the past year about the dangers of smoking.  Moreover, 69.3% had been taught in class the effects of tobacco use. These numbers did not have any effect in decreasing smoking prevalence among the youth. In 2011, already 2 out of 5 teens aged 13-15 smoked.

The Philippines has some of the cheapest cigarettes in Asia and one of the cheapest cigarettes in the world. Parallel to these data are the alarming smoking rates in the country: The Philippines ranks 9th in the adult male population and 16th in the adult female smoking population in the world.

NYC Commissioner Perci Cendaña said that raising taxes right now is the most viable option to decrease the number of young smokers. “Kapag nagtaas ng presyo ang sigarilyo, maraming kabataan ang hindi na maninigarilyo.” The recent study by the University of the Philippines Communication Research Society with the support of Health Justice supports this claim. According to it, that 60% of the sample population will quit smoking if cigarettes will be priced at 5 pesos per stick.

NYC as the voice and advocate of the youth calls on the immediate passage of House Bill 5727 that will restructure the excise tax on tobacco and alcohol. The Commission firmly stands that we must maximize all means to protect the health and wellness of our nation’s youth. (NYC Press Release)

1st Class

Sila ang mga kasapi ng ng unang batch ng BA Journalism class ng Bulacan State University na magtatapos sa Abril. "First Class" ang tawag sa kanila dahil sa sila ang unang batch na magtatapos.

BulSU BA Journalism 1st Batch

PRE-GRADUATION PARTY.  Nagkakatuwaang nagpakuha ng larawan ang 1st Batch and BulSU-BA Journalism class sa likod ng inihandang litson sa pagsasagawa ng isang salo-salo sa Baliuag noong Marso 15.

BulSU stude wins Best Screenplay in 8th Art Film Fest

BulSU students poses with Bulakenyo filmmaker Herwin Cabasal during the 8th Art Film Festival heldt at PWU.  BulSU's Joana Marie Bautista’s SERGIO wins Best Screenplay.

Mga mag-aaral ng DYCI kakatawanin ang bansa sa World Lego League

BOCAUE, Bulacan—Kakatawanin ng 10 mag-aaral sa high school sa bayang ito ang bansa sa Foundation for Inspiration and Recognition of Science and Technology (FIRST) Lego League Food Factor World Festival na isasagawa sa Estados Unidos sa Abril.

Ito matapos silang magkampiyon sa katatapos na FIRST Lego League (FLL) Philippines na isinagawa sa Quezon City Interactive Science Center noong Sabado, Pebrero 25 kung saan ay tinalo nila ang 150 mag-aaral mula sa 15 kalahok na paaralan na nagmula sa ibat-ibang panig ng bansa.

Ang 10 mag-aaral ay nagmula sa Dr. Yanga Colleges Inc., (DYCI) High School sa Brgy. Wakas sa bayang ito, at tinawag na “DYCI Blue Ocean 10.”

Sila ay sina Trisha Carmela Santos, Gladys Leigh  Malana, Dave Adrian Bien, Keight Dela Cruz, Lady Alein Goleng, Tim Fabillon, Ramikurt Del Prado, Jules Martin Agsaoay, Jonathan Alejandro, at Michelle Alcanar. 

Ang DYCI ay ang paaralang pinagmulan ng mga high school students na nagkampiyon sa 2010 World Robot Olympiad (WRO), na humakot din ng parangal, kabilang ang ika-apat na karangalan sa katulad na paligsahan noong nakaraang taon.

“Hindi namin inaasahan ito. We never though our team will make it to the FLL World Championships,” ani Michael Yanga, ang director at punong guro ng DYCI High School.

Ayon kay Yanga, ang pagwawagi sa kauna-unahang paligasahan ng FLL Philippines ay isang malaking karangalan para sa DYCI dahil sa ito ang maghahatid sa kanila sa  FLL Food Factor World Festival na isasagawa sa America’s Center and Edward Jones Dome Convention Plaza  sa St. Louis, Missouri sa Estados Unidos.

Ang nasabing paligsahan ay lalahukan ng mga mag-aaral mula sa 60 bansa mula Abril 25 hanggang 28.

“I’m very proud of our students who have shown that we are really globally competitive and Bulakenyos are truly prime movers of technology,” ani Yanga.

Ang DYCI Blue Ocean 10 ay namayani sa FLL Philippines dahil sa kanilamng imbensyong Meat’s Anti-Germ Inspection Solution (Magis) v.2.0, isang makina na may kakayahang tulungan ang tao na makaiwas sa kontaminadong pagkain.

Ayon kay Beryl Cruz, punong tagapagsanay ng DYCI Blue Ocean 10, ang Magis v.2.0, ay nilikha ng mga mag-aaral sa loob ng dalawang buwan, at may kakayahan din itong matukoy ang “botyang karne.” 

Si Cruz din ang punong tagapagsanay ng DYCI Robotics team na nagkampiyon sa WRO na isinagawa sa SM Convention Center noong Nobyembre 2010;  at puman-apat naman sa WRO na isinagawa sa United Arab Emirates (UAE) noong nakaraang Nobyembre.

Bilang punong tagapagsanay ng DYCI Blue Ocean, sinabi ni Cruz na mas mahirap ang paligsahan sa FLL kumpara sa WRO.

Ito ay dahil sa ang paligsahan sa FLL ay tumutukoy sa mga solusyon sa mga problemang hinaharap ng mundo ngayon, katulad ng pamamayagpag ng “karneng botcha” sa lalawigan ng Bulacan sa nagdaang dalawang taon.

Sa taong ito, sinabi ni Cruz na ang mga kalahok sa FLL ay bumuo ng kanilang imbensyon batay sa temang “Food Factor” na ibinigay ng mga tagapag-oganisa ng paglisahan.

Ang FLL Philippines au inorganisa ni Mylene Abiva ng First in Educational Learning Trends Always (FELTA), na itinatag naman noong 1966 ng mag-asawang Felicito at Teresita Abiva.

Ang FELTA ay naglalayon na makapaghatid sa mga paaralan ng mga instructional materials na magagamit sa pagtugon ng hamon ng kasalukuyang panahon.

Bulacan muling naghari sa ika-6 na sunod na taon sa CLRAA

MALOLOS—Muling namayani ang mga manlalarong Bulakenyo ng iuuwi nila ang ika-anim na sunod ang pangkalahatang kampeonato sa taunang Central Luzon Regional Athletic Association (CLRAA) na isinagawa sa Zambales noong nakaraang linggo.

Ang tagumpay na ito ay sa kabila na ang koponan ng Bulacan ay unti-unting nababawasan dahil sa pagbubukas ng mga bagong city schools divisions sa lalawigan kung saan nalilipat ang ilang mahuhusay na manlalaro.

Gayunpaman, ibinulgar ni Dr. Edna Zerudo, division superintendent ng Department of Education sa Bulacan ang lihim ng pananagumpay ng koponan ng lalawigan.

Ang Bulacan provincial schools division ay humakot ng kabuuang 499.5 puntos, kasunod ang Pampanga (358), Olongapo City (247.91 points).

Pumang-apat ang schools division mula sa Bataan, kasunod ang Tarlac City, Nueva Ecija, Malolos City, Tarlac Province, at Aurora.

Sa lahat ng schools divisions, sinasabing ang Lungsod ng Angeles ang nagpakita ng malaking improvement matapos nitong masungsukit ang ikatlong puwesto high school division.

 Ang taunang palaro ay nahahati sa Elementary at High School Division.

Ayon kay Zerrudo, ang muling pamamayani ng mga manlalarong Bulakenyo sa taunang palaro ay dahil sa disiplina ng mga manlalaro at suporta ng mga pamahalaang lokal.

Binigyang pansin din niya na ang pagigig malapit ng Bulacan sa kalakhang Maynila kung saan ang mga manlalaro at kanilang mga tagapagsanay ay nagkakaroon ng pagkakataon na makipagsagupa para sa mga tune-up games.

Sinabi pa ni Zerrudo na hidi rin maitatanggi ang pagiging mahusay ng mga manlalarong Bulakenyo na sinangkapan pa ng suporta ng mga pamahalaang lokal katulad ng kapitolyo.

 “Very supportive si Gob. Alvarado, lalo na sa pagkain ng mga manlalaro at buong delegasyon,” ani Zeruudo at iginiit na sa pagbubukas ng taunang palaro sa Zambales noong Pebrero19, si Alvarado ay dumalo rin upang magbigay ng inspirasyon sa mga manlalarong Bulakenyo.

Para naman kay Alvarado, sinabi niya na karangalan ng lalawigang ang dala ng mga manlalaro sa tuwing makikipagtunggali.

Binigyang pansin din niya na lubhang mahalaga ang disiplina ng mga manlalaro para sa kabuuang pagkatao ng  mga ito. 

“Labis po ang aking kagalakan sa pagkakapanalong muli ng mga atletang Bulakenyo. Sana poang mga ganitong gawain ay magsilbing matibay na bigkis na magbubuklod hindi lamang sa mga Bulakenyo kundi maging sa mga kababayan natin sa Gitnang Luzon,” ani Alvarado sa kanyang opisyal na pahayag matapos ang palaro na ipinalabas ng Provincial Public Affairs Office (PPAO).

Tiniyak din ni Alvarado ang suporta niya sa mga nagwaging manlalaro na kakatawan sa Gitnang Luzon sa Palarong Pambnasa na isasagawa sa Lingayen, Pangasinan sa Mayo.

Ayon naman kay Zerrudo,halos kalahati ng mga manlalaro ng Gitnang Luzon para sa nalalapit na palarong pambansa ay magmumula sa Bulacan.

Ito dahil sa ang sinumang nagwagi sa unang tatlong puwesto sa mga sports events sa katatapos na CLRAA ay magiging kinatawan ng rehiyon sa Palarong Pambansa.